Муҳокимаи рушди иқтисодиёти Тоҷикистон

Душанбе,  14.11.2014. (АМИТ «Ховар»,  Покизаи  Шодмон).-  12  ноябр  дар  шаҳри  Душанбе  мулоқоти  вазири  молияи  Тоҷикистон  Абдусалом  Қурбонов  ва  ҳайати Бунёди  байналмилалии  асъор  бо  роҳбарии  Ҷонатан  Данн баргузор  гардид. 
Тавре  ки аз  Вазорати  молияи  кишвар  ба  АМИТ «Ховар»  хабар  доданд, ҷонибҳо  дар  ҷараёни  мулоқот  хулосаи  вазъи  имрӯзаи  молиявии  Тоҷикистон  ва  рушди  иқтисодиёт то  охири  соли  2014,  ҳамчунин  хулосаи  умумии  дурнамои   рушди  вазъи  иқтисодии   кишварро   шуниданд.
Масоили   марбут ба  нақшаи  буҷети   соли  2015  бо дарназардошти  дурнамои  иқтисодӣ  дар  маркази таваҷҷӯҳ  қарор  дошт. 
Ҷонибҳо  ҳамчунин  ба  масоили  сиёсати  молияю  андозбандӣ  ва  бонкӣ,  аз ҷумла,  ба   масоили   марбут ба  ҳалли   проблемаҳои   беҳдошти  фаъолияти «Агроинвестбонк»,  мониторинги  корхонаҳои  давлатӣ, нақшаҳои  фискалии   бахши  молия ва   корхонаҳои  давлатӣ,  ҳамчунин   муносибатҳои  мутақобилаи  Тоҷикистон  бо  созмонҳои  дигари  молиявию  бонкии  ҷаҳонӣ  таваҷҷӯҳи  хоса  зоҳир  намуданд.