Муаллимон ихтисосашонро такмил медиҳанд

Душанбе, 27.11.2014. (АМИТ «Ховар», Фарзонаи Достонзода ).- 26 ноябр дар Маркази илму фарҳанги Русия воқеъ дар шаҳри Душанбе курсҳои такмили ихтисоси муаллимони забони русии макотиби таҳсилоти умумии таълим бо забони тоҷикӣ таҳти унвони «Мазмуни таҳсилоти лингвистӣ ва усули тадриси забони русӣ дар мактаби таҳсилоти умумии таълим бо забони тоҷикӣ» оғоз ёфт. Мақсад аз курсҳои даҳрӯзаи омӯзандагони забони русии макотибу донишкадаҳои олии шаҳри Душанбе, вилояти Хатлон ва ноҳияҳои тобеи ҷумҳурӣ таҳлили масоили назария ва услуби тадриси забони русӣ дар мактаби миёнаи омӯзиши забони тоҷикӣ, таҳқиқи душвориҳои усулҳои тадриси забону адабиёти русӣ аст.