Муаррифии Рӯзи байналхалқии маъюбон дар Душанбе
Душанбе, 25.11.2014. (АМИТ «Ховар»,Фарзона Достонзода) — Нашри аввали намоишгоҳи зимистонаи ҳунармандӣ ва Рӯзи байналхалқии шахсони маъюбиятдошта 25 ноябр дар Маркази фарҳангии Бохтар дар шаҳри Душанбе муаррифӣ шуд.
Бори аввал дар Тоҷикистон Рӯзи байналхалқии СММ оид ба шахсони маъюбиятдошта якҷоя бо Намоишгоҳи анъанавии зимистонаи ҳунармандӣ, ки рӯзҳои 6 ва 7-уми декабр дар Маркази исмоилияи Душанбе баргузор мегардад, таҷлил мешавад. Рӯзи мазкур фаҳмиши масъалаҳои маъюбиро пешбарӣ ва дастгириро барои таъмини шаъну шараф, ҳуқуқ ва некӯаҳволии шахсони маъюбиятдошта сафарбар мекунад.
Ташаббуси мазкур аз ҷониби эътилофи ҳамфикр-21 ташкилоти миллӣ ва байналхалқӣ дастгирӣ мешавад, аз ҷумла Иттифоқи ҳунармандони Тоҷикистон, Иттиҳодияи волидони кӯдакони маъюбиятдошта ва ташкилотҳои шахсони маъюбиятдошта, ки зери шиори “Барои рушди фарогир ва устувор муттаҳидем” муттаҳид шуданд. Чорабинии мазкур имконият медиҳад, ки ду самти муҳими сиёсати Иттиҳоди Аврупо дар Осиёси Миёна алоқаманд шавад: аз як тараф рушди иқтисодӣ тавассути дастгирии корхонаҳои хурд, мушаххасан дар соҳаи ҳунармандӣ; аз тарафи дигар таҳкими субъектони ғайридавлатӣ барои ноилшавӣ ба ҷомеаи шаҳрвандии бештар фарогир ва мустаҳкам.
Намоишгоҳи ҳунармандӣ, ки аз ҷониби Иттифоқи ҳунармандони Тоҷикистон (ИҲТ) дар шарикӣ бо ташкилоти Чезви ва дар ҳамоҳангсозии муштарак бо Маркази фарҳангии Бохтар ташкил шудааст, зиёда аз 50 ҳунармандро ҷамъ оварда, комёбиҳои охирини ҳунармандии минтақавиро пешкаш менамояд.
Дар ин бора ба АМИТ «Ховар» аз намояндагии Иттиҳоди Аврупо дар Тоҷикистон иттилоъ доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






