Муаррифии расмии Консули нави генералии ҶТ

Душанбе,  28.11.2014. (АМИТ «Ховар»,  Марҳабои  Азамат).-  Сафири  Тоҷикистон  дар  Русия  Имомуддин  Сатторов   дар  ҷараёни  сафари  кориаш  ба  Екатеринбург  Консули нави  генералии  Тоҷикистон  Сафар  Сафаровро ба губернатори  вилояти  Свердловск  Евгений  Куйвашев  ва  роҳбарони  дигари  сохтори  давлатии   шаҳри  Екатеринбург муаррифӣ  кард.
Дар  ин  бора аз  сафорати  ҶТ  дар  ФР  ба  АМИТ «Ховар»  хабар  доданд.
Назар ба  иттилои  манбаъ,  Евгений  Куйвашев   Сафар  Сафаровро  бо  таъйиноташ  дар  ин  мансаб  муборакбод  карда, саҳми намояндагии  дипломатӣ  дар амри кор  бо  муҳоҷирони  меҳнатиро,  ки ба таъмини  ҳуқуқҳои   шаҳрвандони  ҷумҳурӣ  мусоидат  мекунад,  қайд  намуд. 
Назар  ба  хабари  манбаъ,  сафири  ҶТ  дар  ФР Консули  нави  генералӣ дар  Екатеринбургро  муаррифӣ  карда, иброз  дошт, ки  Сафар  Сафаров хатмкардаи Академияи  дипломатии   шаҳри  Маскав  буда, бо роҳхати ВКХ  Тоҷикистон  муддати  тӯлонӣ  дар  Афғонистон,  Ӯзбекистон  ва  Туркия  муваффақона  кор  кардааст.