Мулоқот бахшида ба ҷашни Парчам

Душанбе, 20.11.2014. (АМИТ Ховар, Зарангези Латиф).- Бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар ноҳияи Тоҷикобод бахшида ба Рўзи Парчам зери шиори «Парчамат бодо парафшон, Тоҷикистонам» мулоқоти масъули Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Ҷалолиддин Нуров бо омўзгорон ва наврасону ҷавонон дар толори мақомоти иҷроияи ҳокимияти давлатии ноҳияи Тавилдара баргузор гардид. 
Дар улоқот Ҷалолиддин Нуров оид ба таърихи Парчам ва муқаддасоти он ёдовар шуда, парчамро нишонаи давлат арзёбӣ намуд. Ў аз партавафшон шудани баландтарин Парчами Тоҷикистон дар шаҳри Душанбе ёдовар шуда, ин иқдоми таърихиро баракати истиқлолият ва ваҳдати миллӣ арзёбӣ намуд.
Ҳамзамон аз ҷавонон даъват ба амал овард, ки Парчами давлатиро ҳамчун муқаддасот ҳифз намуда, онро дар ҷойҳои даркорӣ тозаю пироста нигоҳ доранд.
Ҳамеша барои боло бардоштани он дар арсаи ҷаҳонӣ кӯшиш намуда аз имкониятҳои доштаашон истифода баранд.