Мулоқоти Н.Бӯриев бо коршиносони БРАО

Душанбе,  21.11.2014. (АМИТ «Ховар»,  Покизаи  Шодмон).- Чанде  пеш  муовини  аввали  вазири  рушди  иқтисод  ва  савдои  Ҷумҳурии  Тоҷикистон  Неъматҷон  Бӯриев  бо  коршиносони  Бонки рушди  Авруосиё — истифодабарандагони  маблағҳои Бунёди зиддибӯҳронӣ   бо  роҳбарии  Алишер  Мирзоев  мулоқот  анҷом дод.
Тавре  ки  аз  Вазорати рушди  иқтисод  ва  савдои  кишвар  ба  АМИТ «Ховар»  хабар  доданд, ҷонибҳо  масоили  рушди иҷтимоию  иқтисодии мамлакат,  омилҳои  асосии  рушди  иқтисодиёт,  дурна-мои  рушди  иқтисодиёт  дар  ояндаи  наздик,  феҳрасти  ислоҳот  ва   дигаргунсозиҳо,  ҷалби  сармояҳои  хориҷӣ  ба  рушди бахши  инфиродӣ,  ҳамчунин  фаъолияти бонкҳо  ва  низоми  қарздиҳиро  муҳокима  намуданд.
Мусоҳибон  ҳамчунин  перомуни  таҳияи  барномаи  миёнамӯҳлати  ислоҳот  табодули  афкор  намуданд.