Мусодираи зиёда аз 17 кг афюн

Душанбе, 04.11.2014. (АМИТ «Ховар», Муқаддас Темурзода).-Дирӯз дар натиҷаи гузаронидани чорабиниҳои фаврӣ-ҷустуҷӯӣ аз ҷониби кормандони шуъбаи ВКД дар шаҳри Панҷакент мошини тамғаи «Opel-Astra», таҳти идораи ронанда Мадусмон Маҳмудов, соли таваллудаш 1955, сокини маҳаллӣ боздошт гардид. 
ВКД ҶТ хабар медиҳад, ки зимни азназаргузаронии бордони мошини мазкур кормандони милитсия 17 кг 600 грамм маводи нашъадори афюн-ро дарёфт ва мусодира намуданд. 
Нисбат ба далели мазкур парвандаи ҷиноятӣ оғоз гардида, тафтиш идома дорад.