Мусодираи зиёда аз 70 кг бангдона дар Кӯлоб
Душанбе, 14.11.2014. (АМИТ «Ховар», Муқаддас Темурзода).- Дирӯз зимни гузаронидани чорабиниҳои фаврӣ-ҷустуҷӯӣ аз ҷониби кормандони милитсияи шаҳри Кӯлоб дар мавзеи Киштии деҳаи Ёли ноҳияи Шӯрообод 3 халта маводи нашъадор дарёфт ва мусодира гардид, ки вазни умумиашон 70 кг 630 граммро ташкил дода, ба маводи навъи нашъадори бангдона мансуб мебошанд.
Нисбат ба далели мазкур парвандаи ҷиноятӣ оғоз гардида, тафтиш идома дорад.
Дар ин бора ВКД ҶТ хабар медиҳад.