Намоишномаи «Кони пурганҷ»
Душанбе, 13.11.2014. ( АМИТ «Ховар», Рафоати Абдулҳамид).- Рӯзи 16- уми ноябри соли равон дар Театри давлатии академии опера ва балети ба номи С. Айнӣ намоишномаи «Кони пурганҷ» баргузор мешавад.
Коргардони намоишномаи мазкур С. Темурова буда, ба воситаи намоишномаи хеш дар бораи фикрронӣ ва рафтору амали ҷавононе нақл мекунад, ки касби душвори маъданҷӯиро пеша кардаанд ва кашфи конҳои пурганҷи диёр ба манфиати ояндаи халқу ватан орзую ормонашон аст. Дар ин роҳ ба монеаҳои зиёд дучор мешаванд ва дар ҳаёташон воқеаҳои зиёди аҷоибу ғароиби ғайричашмдошту мароқовар рух медиҳанд, вале ҷӯшу хурӯши ҳақиқии ҷавонӣ, меҳри самимӣ ба касб, ватандӯстию масьулиятшиносӣ ва ишқу муҳаббати пок мададашон мекунад, ки оқибат ба орзуи наҷиби худ расанд.
Аксари қаҳрамонҳои намоишнома бо хислату хилқати пок, устуворию матонат ва ишқу садоқат намунаи ибрати донишҷӯёни муосири мо буда метавонанд ва ҳадафи муаллифон низ ҳамин пайванди маънавист. Онҳо ба воситаи намоиши хеш гуфтанианд, ки кони асосиву пурганҷтарини халқу диёри мо ана ҳамин ҷавонони донову тавоно ва ҷӯяндаву ёбандаанд.
Тавре ки аз театри мазкур хабар доданд, намоишнома соати 16:00 оғоз меёбад.








Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






