Парлумон санадҳои молиявиро ба тасвиб мерасонад

Душанбе, 26.11. 2014. (АМИТ «Ховар», Марзия Саидзода).-Интизор меравад, ки имрӯз вакилони палатаи поёнии Парлумони Тоҷикистон маҷмӯи санадҳои молиявиро баррасӣ карда, ба тасвиб расонанд.Санадҳои мазкур Созишномаи кафолатӣ байни Ҷумҳурии Тоҷикистон ва Бонки аврупоии таҷдид ва рушд /БАТР/ оид ба лоиҳаи «Барқарорсозии Неругоҳи барқи обии /НБО/-и Қайроққум», Созишномаи грантӣ байни Ҷумҳурии Тоҷикистон, Ширкати саҳомии холдингии кушодаи /ШСХК/ «Барқи Тоҷик» ва БАТР оид ба лоиҳаи «Барқарорсозии НБО-и Қайроққум», Созишномаи қарзӣ байни ШСХК «Барқи Тоҷик» ва БАТР оид ба лоиҳаи «Барқарорсозии НБО-и Қайроққум», Созишномаи қарзии имтиёзнок байни ШСХК «Барқи Тоҷик» ва БАТР оид ба лоиҳаи «Барқарорсозии НБО-и Қайроққум» мебошанд. Ҳамзамон дар назар аст, ки вакилони Маҷлиси намояндагон ба лоиҳаи Қонуни Ҷумҳурии Тоҷикистон «Дар бораи Буҷетии давлатии Ҷумҳурии Тоҷикистон барои соли 2014» илова ворид намоянд.