Пирӯзии “Хуҷанд” бар “Регар Тадаз”
Душанбе, 13.11.2014. (АМИТ «Ховар», Зарангези Латиф).-Бозӣ миёни дастаҳои “Хуҷанд” — и Хуҷанд ва “Регар-ТадАЗ” — Турсунзода бо ҳисоби 3 бар 1 ба фоидаи дастаи “Хуҷанд” анҷом ёфт.
Бозии мазкур дирӯз дар варзишгоҳи «20-солагии Истиқлолияти Тоҷикистон»-и Суғд доир шуд.
Бозингарони дастаи “Хуҷанд” дар бозӣ тавонистанд ба дарвозаи ҳарифони худ се гол зананд. Голҳоро дар дақиқаҳои 35, 48 ва 60 -ум Сайриддин Ғаффоров, Дилшод Каримов ва Суҳроб Алиев ба ҳадаф расонданд. Муаллифи голи ягонаи меҳмонон, ки дар дақиқаи 85 — ум зада шуд, Абдурасул Раҳмонов мебошад.