Рӯзҳои Санкт — Петербург дар Душанбе

Душанбе,  7  ноябр. (АМИТ «Ховар»,  Екатерина  Пасторова).-  7  ноябр  дар  Маҷмааи  «Кохи  Ваҳдат»  маросими  ботантанаи  оғози Рӯзҳои   шаҳри  Санкт — Петербург  дар  Душанбе баргузор  мегардад. 
Тавре  ки  сафорати  Русия  дар  Тоҷикистон  хабар  медиҳад,  8  ноябр  дар  Театри  опера  ва  балети  ба  номи  С.Айнӣ консерти  оркестри  камеравии  «БИС — КВИТ» баргузор гардида, дар  Театри  ба  номи  В.Маяковский намоишномаи «Ҳаҷвиёт»  аз  рӯи асарҳои  А.П.Чехов  манзури  тамошобинон  мегардад. 
7  ноябр  дар «Душанбе Плаза» маросими  намоиши офаридаҳои  рассоми  тоҷик  Матлуба  Яҳёева баргузор  мешавад. 
Дар  ҳошияи Рӯзҳои  Санкт — Петербург  конфронс  аз  рӯи  масоили  ҳамкории дуҷониба,  мизҳои  мудаввар  дар  мавзӯи  ҳамкорӣ  дар  бахши  меҳнат ва  шуғли  аҳолӣ,  маориф ва  ғайра  доир  мегарданд. 
Ғайр  аз  ин машваратҳои  табибони  Санкт — Петербург барои  аҳолӣ  дар муассисаҳои тиббии   шаҳри  Душанбе ва курсҳои такмили  ихтисоси  муаллимони  забони русӣ тартиб  меёбанд.