«Рӯзгор ва осори шоирони Бадахшон»-муаррифии китоб
Душанбе, 14.11.2014. (АМИТ “Ховар”, Зарангези Латиф).- “Рӯзгор ва осори шоирони Бадахшон”- таҳти чунин унвон пагоҳ, 15-уми ноябри соли равон дар Маркази исмоилияи шаҳри Душанбе муаррифии китоби тозанашре баргузор мешавад.
Китоби мазкур ба қалами Лоло Давлатбеков, номзади илмҳои филологӣ тааллуқ дорад. Дар китоб рӯзгор ва осори шоирони Бадахшон дар нимаи дуюми асри XIX ва аввали асри XX инъикос гардидааст.
Гуфта мешавад, ки китоби мазкур бо дастгирии молиявии Ташкилоти ҷамъиятии «Равшандилон» рӯи чоп омадааст.