«Сад барги ғазал» нашр гардид
Душанбе, 14.11.2014. (АМИТ «Ховар», Раъно Нусратуллозода).- Китоби «Сад барги ғазал» -и Мавлоно Ҷомӣ, ки ба истиқболи 600-солагии мавлуди мубораки ин алломаи бузург бо интихоб ва пешгуфтори мудири кафедраи адабиёти классики тоҷики Донишгоҳи давлатии Хуҷанд ба номи академик Бобоҷон Ғафуров, номзади илмҳои филологӣ, дотсент Нуралӣ Нурзод ба дасти чоп расид, аз рӯи нусхаҳои тоҷикистониву эронии ҳар се девони шоир баргузида шудааст.
Воқеан забони ғазалиёти шоир аз чандин шохисаҳои ҳунарӣ дар намуди сохтмони тарокиб ва таъбирҳои шоирона, корбурди ҳунармандонаи вожагон ва ибораҳои мардумӣ ва амсоли ин бархурдоранд, ки бештари маврид онҳо ба сурати махсус ва ба унвони маҳсули тафаккури бадеии суханвар ба ҷилва омада, арзишҳои хоси маънавӣ ва адабиву ҳунарии каломи шоирро муҷассам гардонидаанд. Таваҷҷуҳи бештар ба таҷассуми ҳунари шоирии Ҷомӣ дар оинаи ғазалиёти ӯ боз ҳам имконоти фарохтареро дар шинохт ва маърифати андешаҳои борвар ва отифаҳову эҳсос ва тафаккури шоирона пешорӯ мегузорад, ки албатта, мутмаинем муҳибону мухлисони сухани ноби шоир фаротар аз дирӯзу имрӯз дар оянда қадам ба сайди маънӣ ва кашфи рамзу рози наққошиҳои ҳунарварона дар лавҳи ғазал хоҳад гузошт.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






