Сафари расмии Сарвазир ба Қирғизистон
Душанбе, 15.11.2014. (АМИТ «Ховар»). — Рӯзҳои 14-15 уми ноябри соли равон Сарвазири мамлакат Қоҳир Расулзода бо сафари расмӣ дар Ҷумҳурии Қирғизистон қарор дошт. Зимни сафар мулоқоти Сарвазири Ҷумҳурии Тоҷикистон бо Президенти Ҷумҳурии Қирғизистон Алмазбек Атамбоев доир гардид. Дар вохӯрӣ муҳимтарин масоили мавриди таваҷҷӯҳи ҷонибҳо бахусус ҳамкориҳои байниҳукуматӣ дар соҳаҳои нақлиёту энергетика ва таъмини амнияти марзӣ баррасӣ шуд. Музокироти ҳайатҳои ҳукуматии ду давлат нахуст бо мулоқоти хоссаи Сарвазири Ҷумҳурии Тоҷикистон Қоҳир Расулзода бо Сарвазири ҶумҳурииҚирғизистон Ҷоомарт Оторбоев оғоз гардида баъдан бо иштироки ҳайатҳои васеъ идома ёфт. Дар музокиротҳои байниҳукуматӣ асосан вазъи кунунӣ ва дурнамои ҳамкориҳои ду давлат дар соҳаҳои иқтисоду тиҷорат, энергетика, нақлиёту комуникатсиява фарҳангу маориф баррасӣ шуд. Ҷонибҳо оид ба вазъи ҳамкориҳои марзӣ ва ҳалли мушкилоти вобаста ба марзи байнидавлатӣ изҳори назар карда дар ин самт фаъолнокгардонии кори комиссияҳои байниҳукуматӣ вобаста ба масъалаҳои марзиро зарур шумориданд. Дар музокиротҳо ҳамзамон доир ба таҳкими ҳамкориҳои тиҷоратию иқтисодӣ ҳамчун омили асосии рушддиҳандаи муносибатҳои байнидавлатӣ, истифодаи самарноки захираҳои обӣ, ҳамшарикӣ дар татбиқи лоиҳаҳои хурду бузурги минтақавӣ дар соҳаҳои нақлиёту энергетика, хусусан татбиқи лоиҳаи КАСА 1000, ба тавсеаи робитаҳои байни муассисаҳои олии таълимӣ ва марказҳои илмию фарҳангӣ табодули назар карданд. Бо дарназардошти рафти музокиротҳои дуҷониба изҳороти муштараки Сарвазири Ҷумҳурии Тоҷикистон ва Сарвазири Ҷумҳурии Қирғизистон қабул гардида аз ҷараёни музокироту мулоқотҳои байниҳукуматӣ дар нишасти матбуотии роҳбарони ҳайатҳо натиҷагирӣ карда шуд. Сарвазири мамлакат Қоҳир Расулзода ҳамзамон дар порлумони Ҷумҳурии Қирғизистон бо Раиси Жогорку Кенеш Асилбек Жеенбеков мулоқот кард.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






