«Самира» ба Бунёди ҷаҳонии сулҳи Англия пайваст шуд

 
Душанбе, 25.11.2014. (АМИТ «Ховар», Раъно Нусратуллозода).-Чанде пеш дар мавзӯи сулҳ бо иштироки узви намояндаи бунёди ҷаҳонии «Peace one Day» ва мудири маҷмааи байналмилалӣ Ҳушманд Муҳаммадрафии Содиқӣ  ва шунавандагони Маркази таълимии «Самира»  ҷиҳати додани сертификати байналмилалии сулҳ  ба иштирокчиён семинар баргузор гардид.
Дар  семинар хонумҳо  Алина ва Даниэла аз бунёди «Peace one Day»   аз кишвари Англия аз тариқи «Skype»   низ ширкат варзиданд.
Ҳушманд Муҳаммадрафии Содиқӣ ба аъзои бунёд ва ширкаткунандагон гуфт, ки  кулли Тоҷикистон маркази илму адабу ҳунар аст ва Президенти ин кишвар низ ҳамеша аз сулҳ  ва дӯстӣ ҳарф мезанад.  Ҳамзамон шоири тавонои тоҷик Мирзо Турсунзода яке аз пайравони сулҳ  дар ҳудуди 50 сол қабл дар ин кишвар буда, бо кишварҳои Осиё ва Африқо барои сулҳ  ширкат намудааст ва ҳамчунин А.Фирдавсӣ низ, ки марди таваҷҷуҳи эрониён ва тоҷикон мебошад, аз сулҳ  ва дӯстӣ эҷод намудааст.
 Лозим ба ёдоварист, ки  маркази таълимии «Самира» дар таърихи 31 уми октябри соли 2014 бо гузаронидани семинари нахустини худ ба бунёди ҷаҳонии сулҳ  пайваст шуд.
Дар ин маросим бо истифода аз имконоти техникаи муосир, яъне аз тариқи  «Skype»  бо  ширкати хонума Алина, аз Бунёди сулҳи Англия   ширкаткунандагони ҷамъомад бо мақсади бунёди сулҳ  ошно гардиданд.