“Саройкамар” — ғолиби мусобиқаи лигаи аввал

Душанбе, 26.11.2014. (АМИТ “Ховар”, Зарангези Латиф).- Дастаи «Саройкамар”-и ноҳияи Панҷ дар мусобиқаи имсолаи лигаи аввали футболи Тоҷикистон ғолиб шуд. Дастаи «Саройкамар”-и ноҳияи Панҷ дар мусобиқаи имсолаи лигаи аввали футболи Тоҷикистон мақоми аввалро касб кард. Футболбозони Панҷ, ки аз рӯи натоиҷи ду бозии ниҳоӣ бар дастаи «Кӯктош”-и ноҳияи Рӯдакӣ (1-0 ва 1-1) пирӯз гардиданд, бо медалҳои тилло сарфароз мешаванд. Ба футболбозони ноҳияи Рӯдакӣ медалҳои нуқра супурда хоҳад шуд. Дастаи «Исфара”-и шаҳри Исфара, ки барои ҷойи севум аз рӯи натоиҷи ду бозӣ бар тими «Эсхата”-и Хуҷанд (1-1 ва 2-0) ғалаба кард, бо медалҳои биринҷӣ сарфароз мегардад.