«Шавоҳид- ун- нубувват» нашр шуд
Душанбе, 13.11.2014. (АМИТ «Ховар», Раъно Нусратуллозода).-«Шавоҳид- ун- нубувват» аз ҷумлаи муҳимтарин осори насрии Мавлоно Абдураҳмони Ҷомӣ буда, чанде қабл дар доираи ҳамоиши байналмилалии «Ҷойгоҳи Мавлоно Абдураҳмони Ҷомӣ дар муколамаи фарҳангҳо», ки бо эҳтимоми Раёсати Донишгоҳи давлатии Хуҷанд ба номи академик Бобоҷон Ғафуров доир шуд, бо тасҳеҳ ва тавзеҳу ҳошияи доктори илмҳои филологӣ Фахриддин Насриддинов дар нашриёти «Ношир»-и шаҳри Хуҷанд рӯйи нашр омад.
Тавре ки аз донишгоҳи мазкур иттилоъ доданд, дар китоб матолибе фароҳам омадаанд, ки барои шинохти ҷаҳонбинии Мавлоно Абдураҳмони Ҷомӣ ва маърифати андешаи ниёгон хеле судманд мебошад ва бори нахуст аст, ки дар кишвари мо ба табъ мерасад.
Ҷоиз ба зикр аст, ки иддае аз осори Ҷомӣ комилан дар мавзӯи эътиқоду шаръиёт ва сияру маноқиб ба қалам омадаанд. Таълифоте чун «Тафсири Қуръон» , «Арбаин», «Маносики ҳаҷ», «Рисолаи ақоид», «Нафоҳот ул — унс», «Рисола фи-л- вуҷуд», «Рисолаи шароити зикр», «Рисолаи таҳлилия», «Шарҳи ҳадиси Абӯразини Уқайлӣ» ва чанде дигар инро таъйид менамояд. «Шавоҳид ун нубувват»-и Абдураҳмони Ҷомӣ низ дар ҳамин замина ба қалам омадааст.
Бояд зикр намуд, ки китоб ҷиҳати ташаккули улуми адабӣ, фанҳои ҷомеашиносӣ ва рушди маънавият дар ҷомеа сарчашмаи арзишманд буда, барои устодон, донишҷӯён ва доираи васеи хонандагон пешкаш мегардад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






