Суғд: омодагии пурра ба зимистон

 Хуҷанд, 24.11.2014. (АМИТ «Ховар», Абдуаҳад Шарифзода).-Дар ташкилоту муассисаҳои вилояти Суғд тайёрӣ ба зимистон муташаккилона ҷараён дорад.   Тавре ки ба хабарнигори АМИТ «Ховар» аз шуъбаи энергетика ва саноати мақомоти ҳокимияти вилоятӣ иттилоъ доданд,  захираи маводи сӯхт то 1 ноябри соли ҷорӣ дар соҳаи маориф — аз ҷумла ангишт 109,2 %  ё 8569,1 тонна  ва ҳезум 104%  ё  5608,3 м3  ва дар соҳаи тандурустӣ ангишт 102% ё 2738,0 тонна ва ҳезум 107% ё 1505,0 м3 -ро ташкил медиҳад.
Ҳамзамон баҳри таъмини саривақтии аҳолии вилоят бо ангиштсанг, аз ҷониби Иттифоқи матлуботи вилоят бо корхонаҳои истихроҷи ангиштсанг барои харидории ангишт ба миқдори 11060 тонна шартномаҳои тарафайн ба имзо расидаанд.
Инчунин дар радифи бурдани корҳои омодагӣ ба зимистон аз ҷониби КДФ «Хоҷагии манзилию коммуналӣ»-и шаҳру ноҳияҳои вилоят то 1 ноябри соли равон таъмири қубури оби нӯшокӣ (112,9%), таъмири асосии хонаҳои истиқоматӣ (110,3%), захираи ангишт (100,0%), захираи намак (94,0%), захираи қум (87,9%), захираи равғанҳои молиданӣ (100,2%),  таъмири боми хона-иншоот (133,8%), таъмири дару тиреза (107,5%), иваз кардани шиша (204,4%), тоза кардани таҳхона (100,9%), таъмир ва иваз