Тағйир дар тақвими мусобиқоти лигаи олии футбол
Душанбе, 04.11.2014. (АМИТ «Ховар»). – Ба тақвими бозиҳои мусобиқоти лигаи олии кишвар тағирот ворид гардид.
Бино ба иттилои Федератсияи футболи Тоҷикистон, бозиҳои даври 17-ум, ки мебоист рӯзҳои 16-17 ноябр баргузор гарданд, ба 11-12 ноябр гузаронида шуданд. Бозиҳои даври 18-ум бошанд, ба 16-ноябр гузаронида мешаванд.
Бозии финалии Ҷоми Тоҷикистон рӯзи 22 ноябр дар шаҳри Душанбе доир мегардад.