Тақдими китобҳои нодир аз ҷониби шахсиятҳои машҳур

Душанбе, 4.11.2014 (АМИТ “Ховар”, Ҳотами Шариф).-Захираи Китобхонаи миллии Тоҷикистон рӯз то рӯз бою ғанӣ мегардад. Китобхонаи мазкур, ки бо бузургиаш дар Осиёи Марказӣ назир надорад, имрӯз ҷои дӯстдоштаи аҳли илм, донишҷӯёну китобдӯстон гардидааст. 
Боиси хушнудист, ки ба ин боргоҳи илму маърифат зиёда аз 8 нафар алломаҳои машҳури ҷумҳурӣ китобҳои нодири хешро бо теъдоди калон тақдим намуданд.
Аз ҷумла академикон Талбак Назаров, Фозил Тоҳиров, Раҳими Мусулмониён китобҳои китобхонаи хешро ба ин ҷо супориданд. Ҳамчунин аз ҷониби пайвандони академик Михаил Боголюбов, Аҳрор Мухторов, Раҷаб Амонов, Муҳаммадҷон Шакурии Бухороӣ, профессор Бобомурод Исматов китобҳои нодир ба Китобхонаи миллӣ тақдим гардиданд. 
Тақдими китобҳои нодир аз ҷониби шахсиятҳои машҳури ҷумҳурӣ ба ин даргоҳ идома дорад.