Таҳлил ва назорати нархи маводи ғизоӣ

Душанбе, 19.11.2014. (АМИТ «Ховар», Зарангези Латиф). -Қабули қарор дар масъалаҳои вобаста ба амнияти озуқаворӣ бояд дар асоси низоми иттилоотии фаъол сурат гирад, ки ин низом тамоми равандҳоро назорат ва пайгирӣ намуда, таъсири ин равандҳоро ба таври сареҳ арзёбӣ ва аз онҳо натиҷаҳои ибратбахшро барои таъсир гузоштан дар раванди тасмимгирӣ аён менамояд. Муаррифии ин мавзӯъ дирӯз дар Вазорати кишоварзии ҶТ баргузор гардид.
Дар муаррифӣ  муовини вазири кишоварзӣ, сармоягузори лоиҳаи миллӣ Зеваршо Зеваршоев, муовини директори Агентии омори  назди Президенти ҶТ Қиёмиддин  Норов, намояндаи ФАО дар Тоҷикистон Гутсу Виорил иштирок доштанд.
  Истифодаи барномаи ФАО дар сатҳи маҳал ва дар пайвастагӣ бо низоми ҷории иттилоот метавонад ҷиҳати расонидани иттилоот оид ба нарх  ва таҳлили бозор барои афроди тасмимгиранда мусоидат намояд. 
ФАО тавассути лоиҳае, ки аз Ҳукумати Туркия дастгирӣ ёфтааст ва бо мусоидати лоиҳаи аз ҷониби Иттиҳоди Аврупо маблағгузоришуда “Мусоидат ба таҳкими низоми иттилоотии миллӣ оид ба амнияти озуқаворӣ” дар ҳамкорӣ бо Агентии омори назди Президенти ҶТ барномаи худро оид ба назорат ва таҳлили нархи маводи ғизоӣ насб намуд. Мутахассисони масъули Агентии омор ва дигар вазорату кумитаҳои дахлдор 19- уми ноябри соли 2014 ба омӯзиши барномаи мазкур дар шаҳри Душанбе  фаро гирифта мешаванд. Омӯзишро коршиносони ФАО, воқеъ дар идораи марказии Рум доир менамоянд.
Барномаи тоҷикистонии назорат ва таҳлили нархи маводи ғизоӣ  ба Агентии омор ва дигар ниҳодҳои зирабт дар рушди сифативу микдории иттилооти вобаста ба бозор ва амнияти озуқаворӣ дар кишвар ва дар пешбурди раванди сиёсатсозии воқеӣ дар соҳа ва қабули қарор дар Тоҷикистон саҳмгузор хоҳад буд.