Таҷлили ҷашни Сарқонуни Тоҷикистон дар Миср

 
 Душанбе, 10.11.2014 (АМИТ «Ховар»).- 10 ноябри 2014 дар меҳмонхонаи  номдори «Grand Nile Tower», воқеъ дар ар-Равзаи Қоҳира ба муносибати бузургдошти 20-умин солгарди қабули Конститутсияи Ҷумҳурии Тоҷикистон зиёфати расмӣ барпо гардид.
Дар зиёфати расмӣ мақомоти роҳбарии Вазорати корҳои хориҷӣ ва вазорату идораҳои дигари Ҷумҳурии Арабии Миср, корпуси дипломатии муқими Қоҳира, намояндагони воситаҳои ахбори омма ва доираҳои бозаргонии кишвар, шаҳрвандону донишҷӯёни тоҷик ҳузур доштанд.
Дар суханронии шодбошии худ сафири Тоҷикистон дар Миср Хусрав Нозирӣ ба аҳамияти сарнавиштсози қонуни асосии кишвар дар ташаккули давлатдории навини тоҷикон ва такомули он ба сӯи пешрафту шукуфоӣ таъкид намуд.