Таҷлили 20-солагии Сарқонун дар Сафорати Тоҷикистон дар ФР
Душанбе, 07.11.2014. (АМИТ «Ховар», Лайло Тоирӣ).- Кормандони Намояндагии Вазорати меҳнат, муҳоҷират ва шуғли аҳолии ҶТ дар ФР оид ба муҳоҷират дар ҷамъомади тантанавӣ бахшида ба 20-умин солгарди қабули Конститутсияи ҶТ дар бинои Сафорати ҶТ дар ФР ширкат намуданд. Дар ҷамъомад Сафири ҶТ дар ФР, кормандони сафорат, намояндагиҳои расмии Тоҷикистон дар ФР, роҳбарони ташкилоту созмонҳои тоҷикистониёни шаҳри Маскав, зиёиён ва донишҷӯёни тоҷик ширкат намуданд.
Дар чорабинӣ сафири ҶТ дар ФР Имомуддин Сатторов ҳозиринро ба муносибати ин санаи таърихӣ табрик намуда, оид ба зарурати таърихӣ ва моҳияти қабули ин ҳуҷҷати сарнавиштсоз сухан кард. Зикр гардид, ки аз марҳилаҳои аввали ташаккули пояҳои давлатдорӣ Тоҷикистони соҳибистиқлол дар сиёсати хориҷии худ принсипи сиёсати «дарҳои кушод»-ро пеш гирифт. Маҳз қабули Сарқонуни аз лиҳози меъёрҳои умумибашарӣ такмилёфта ба мо имкон дод, ки дар ин ҷода муваффақ бошему дар арсаи ҷаҳонӣ мақому ҷойгоҳи хоси худро соҳиб шавем.
Дар хусуси марҳилаҳои таърихии қабули Сарқонун ва аҳамияти он дар таҳкими пояҳои давлатдории навини тоҷикон намояндаи ҶТ дар Иттиҳоди иқтисодии Аврупову Осиё Файзулло Холбобоев ва олими тоҷик Ҳокимшо Муҳаббатов маърӯза карданд. Бо дастури намояндагӣ баргузории чорабиниҳо бахшида ба солгарди қабули Конститутсия дар манотиқи гуногуни ФР аз ҷониби кормандоне, ки дар сафари хизматӣ қарор доранд, дар назар аст.
Дар ин бора ба АМИТ «Ховар» котиби матбуоти Намояндагии ХМ ҶТ дар ФР Иброҳим Аҳмадов иттилоъ дод.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
