Таҷлили Рӯзи милитсия ва Сарқонуни Тоҷикистон

Душанбе, 5.11.2014. (АМИТ «Ховар», Зарангези Латиф).- Дирӯз дар Академияи Вазорати корҳои дохилӣ бахшида ба 20-умин солгарди қабули Конститутсия (Сарқонун)-и Ҷумҳурии Тоҷикистон ва таҷлили Рӯзи милитсия ҷамъомади тантанавӣ баргузор гардид.Дар мавзӯи рӯз сардори Академияи Вазорати корҳои дохилӣ, доктори илмҳои ҳуқуқшиносӣ, генерал-майори милитсия Маҷидзода Ҷӯрахон Зоир ва сардори курси аввали академия полковники милитсия Наҷмиддин Қурбонов сухан гуфтанд.Бо ибтикори роҳбарияти вазорат дар ин рӯз ба шунавандагони курси аввал, аз ҷумла ба 20 нафар ятим аз оилаҳои бесаробонмонда туҳфаҳои пулию молӣ тақдим шуданд.Ҳамчунин дар идомаи чорабинии фарҳангӣ барои болида намудани хотири ҳозирин дар иҷрои ҳунармандони шинохтаи ҷумҳурӣ барномаи консертии идона ташкил шуд.