Таҷлили Рӯзи Парчам дар Нуробод

Душанбе, 25.11.2014. (АМИТ «Ховар», Мавҷуда Анварӣ).- Дар ноҳияи Нуробод  бахшида ба ҷашни Парчами миллӣ тӯли як ҳафта чорабиниҳои сиёсӣ, илмӣ ва фарҳангӣ дар ҳамаи муассисаҳои таълимӣ ва ҷамъиятӣ ҷараён гирифтанд.
Тибқи иттилои корманди мақомоти иҷроияи ҳокимияти давлатии ин ноҳия Гулрухсор Неъматова, дирӯз дар Рӯзи Парчами давлатӣ аз даромадгоҳи марказӣ то саҳни ҳавлии мақомоти иҷроияи ҳокимияти давлатии ноҳия бо иштироки ҷавонону мактаббачагон ва фаъолони ин минтақа намоиши умумишаҳрӣ бо парчамҳою овезаҳо баргузор гардид.
Дар чорабинии идона раиси ноҳия Сиёмардзода Сайдамир ширкат варзида, мардуми шарафманди Нурободро бо ин рӯзи таърихӣ табрик намуд. 
Ҳунарнамоии дастаи ҳунарии бахши фарҳанги ноҳия ва қироати шеърҳо дар васфи Ватан, Модар ва Парчам аз ҷониби толибилмон ба барномаи фарҳангӣ ҳусни дигар зам намуд.