«Taj China» аз супоридани пардохтҳои гумрукӣ озод шуд

Ноябрь 12, 2014 14:51

Душанбе, 12.11.2014.(АМИТ «Ховар», Марзия Саидзода).- Ҷамъияти дорои масъулияти маҳдуди «Taj China», ки дар шаҳри Ваҳдат корхонаи семент месозад, барои воридоти маводу таҷҳизот аз пардохтҳои гумрукӣ дар ҳаҷми 4,6 миллион $ озод карда шуд. Дар ин росто 12 ноябр палатаи поёнии Парлумони Тоҷикистон -Маҷлиси намояндагон ба лоиҳаи Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2014» тағйиру илова ворид намуд. Меҳринамо Ҷонмамадова-муовини вазири молияи кишвар, ки дар назди вакилон масъалаи мазкурро тавзеҳ дод, гуфт, ки корхонаи семент дар шаҳри Ваҳдат бо сармояи 30 миллион $, ки 23 миллион $ сармояи хориҷӣ ва 7 миллион $ маблағҳои дохилист, бунёд мешавад. Маблағи умумии маводу таҷҳизотҳои барои сохтмони корхонаи семент воридшаванда 20 миллион $ ё 101 миллион сомонӣ буда, пардохтҳои гумрукии он 24,2 миллион сомонӣ, аз ҷумла боҷи гумрукӣ 5,1 миллион сомонӣ ва андоз аз арзиши иловашуда 19,1 миллион сомониро ташкил медиҳад. Тибқи лоиҳаи сохтмонӣ корхонаи семент дар марҳилаи аввал бо иқтидори истеҳсолии 600 000 тонна ва дар марҳилаи дуюм 1 миллион тонна дар як сол сохта мешавад. Дар мавриди ба кор даромадани корхонаи семент ташкили 380 ҷойи корӣ ва воридоти андоз ба буҷет дар як сол аз 60 то 100 миллион сомонӣ дар назар дошта шудааст. Дар раванди кашидани хати об барои эҳтиёҷоти корхона объёрии бештар аз ду ҳазор гектар замин дар минтақаи ағбаи Чормағзак пешбинӣ гардидааст. Аз пардохтҳои гумрукӣ озод намудани воридоти молҳо барои корхонаи семент дастгирии молиявии давлатӣ барои рушди соҳибкорӣ дар ҷумҳурӣ арзёбӣ мегардад.

Ноябрь 12, 2014 14:51

Хабарҳои дигари ин бахш

Суратгузориш аз рафти саёҳати матбуотии хабарнигорони Чин дар Тоҷикистон
30 ҚАДАМИ СОЗАНДА ДАР АМРИ ВАТАНСОЗӢ. Таҳти ин унвон дар Ҳисор Фестивал – озмуни «Ташкилоти беҳтарини сол» баргузор мешавад
Саёҳати матбуотии бомувафаққи хабарнигорони рӯзномаи «Жэнмин Жибао» дар пойтахти Тоҷикистон
Дар Академияи ВАО-и Тоҷикистон вобаста ба самти сохтмон, меъморӣ ва шаҳрсозӣ машғулияти омӯзишӣ оғоз шуд
«ИЛОҶИ ВОҚЕА ПЕШ АЗ ВУҚУЪ». Ҳангоми оббозӣ қоидаҳои бехатариро риоя карда, фарзандонро беназорат нагузоред!
САЛОМ, ТОБИСТОН! Истироҳатгоҳи «Шабдез»-и ноҳияи Роштқалъа ба қабули наврасон шуруъ мекунад
Операторро иваз кардан мехоҳам. Чӣ тавр рақамҳои лозимиро гум накунем?
ДАР ПАРТАВИ ҲИДОЯТҲОИ ПЕШВОИ МИЛЛАТ. Дар Душанбе, Кӯлоб ва Ховалинг ба 2200 ниёзманд кумак расонида шуд
«СУҒД-2024». Дар ин ярмаркаи байналмилалӣ 500 нафар меҳмон аз дохил ва хориҷи Тоҷикистон иштирок менамояд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 35 дараҷа гарм мешавад
Кумитаи меъморӣ ва сохтмони Тоҷикистон баҳри густариши раванди рақамикунонӣ Созишнома ба имзо расонид