Таъмини бехатарии озуқаворӣ дар кишвар

Ноябрь 27, 2014 15:03

Душанбе, 27.11.2014. (АМИТ «Ховар», Раъно Нусратуллозода).- Бо ташаббуси раёсати илм, факултаи муносибатҳои иқтисоди бай-налмилалӣ ва кафедраи иқтисодиёти ҷаҳон ва тиҷорати байналмилалии Донишкадаи молия ва иқтисоди Тоҷикистон 26 ноябр дар мавзӯи «Самтҳои асосии таъмини бехатарии озуқавории Ҷумҳурии Тоҷикистон» мизи мудаввар доир гардид.Бино ба иттилои котиби матбуоти донишкада Машҳура Абдуллоева, дар мизи мудаввар Абдуҷалил Пириев, профессор, сардори раёсати кишоварзӣ ва ҳифзи муҳити зисти Дастгоҳи иҷроияи Президенти Ҷумҳурии Тоҷикистон дар мавзӯи «Амнияти озуқаворӣ яке аз ҳадафҳои стратегии Ҳукумати Ҷумҳурии Тоҷикистон» маърӯза намуда, аз ҷумла зикр кард, ки таъмини амнияти озуқаворӣ яке аз ҳадафҳои стратегии Ҳукумати ҶТ ва масъалаи ҷаҳонӣ маҳсуб мегардад. Ҳукумати Ҷумҳурии Тоҷикистон барои ба даст овардани ҳадафҳои «Барномаи таъмини амнияти озуқаворӣ» тамоми тадбирҳоро меандешад. Аз ҷумла, аз соли 2012 Шӯрои амнияти озуқаворӣ ташкил шуд, ки дар он ҳамаи ин масъалаҳо баррасӣ мегарданд.Таъмини бехатарии маҳсулоти хӯрокворӣ дар ҷумҳурӣ тавассути Қонуни Ҷумҳурии Тоҷикистон “Дар бораи бехатарии маҳсулоти хӯрокворӣ” ба танзим дароварда шуда, назорат ҷиҳати таъмини бехатарии маҳсулоти хўрокворӣ дар бозори истеъмолӣ тибқи талаботи қонуни мазкур ба зиммаи Вазорати кишоварзӣ, Вазорати тандурустӣ ва ҳифзи иҷтимоии аҳолӣ ва Агентии “Тоҷикстандарт” вогузор гардидааст, илова намуд мавсуф.Дар охири мизи мудаввар иштирокчиён дар бораи масоили баррасишаванда табодули афкор намуданд.

Ноябрь 27, 2014 15:03

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд