Таъмири 30 км роҳ дар Қайроққум
Душанбе, 10.11.2014. (АМИТ «Ховар», Рафоати Абдулҳамид).-Баҳри иҷрои Барномаи вилоятии “Соли 2014- соли роҳҳои обод” дар даҳ моҳи соли 2014 дар шаҳри Қайроққум зиёда аз 30 километр роҳҳо таъмир шуданд.
Ба иттилои хадамоти матбуоти раиси вилояти Суғд аз ин миқдор роҳ 2 километр таъмири асосӣ, зиёда аз 14 км таъмири ҷорӣ ва 14 км роҳ шағалпӯш шудааст.
Бояд зикр намуд, ки барои иҷрои корҳои таъмиру барқарорсозии роҳҳо дар Қайроққум зиёда аз 900 ҳазор сомонӣ сарф шудааст.