Тоҷикистон — Қирғизистон: оғози муносибатҳои нав
Душанбе, 19.11.2014. (АМИТ «Ховар», Мавҷуда Анварӣ).- «Амри тақдир будааст, ки камина маротибаи дуюм ба Тоҷикистон меоям. Сафари аввалам аз соли 2002 то соли 2005 — ро фаро гирифта буд ва инак боз ба ин ҷо омадам. Имрӯз ман ба симои сокинони Душанбе менигараму симои гарми онро мебинам. Ман дар симои онҳо ҳисси ватанпарастӣ ва умед ба онро мебинам, ки фардо аз имрӯз ҳам беҳтар мешавад», — гуфт сафири навтаъйини Ҷумҳурии Қирғизистон Мирослав Ниёзов баъди супурдани эътимоднома ба Президенти Ҷумҳурии Тоҷикистон Эмомалӣ Раҳмон дар ҷараёни нишасти матбуотӣ барои ВАО.
Сафир гуфт, ки Тоҷикистон кишварест, ки бо суръат рушду тараққӣ меёбад. «Ба фикрам дар роҳбарияти баландпояи ҷумҳурӣ дастаи кордоне ҷамъ омадааст, ки сӯи ҳаракаташро равшану дақиқ медонад», — гуфт сафир.
М.Ниёзов ба масъалаи муносибатҳои Тоҷикистону Қирғизистон дахл карда, зикр намуд, ки баъди доир шудани ҳамоиши душанбегии СҲШ сарони давлатҳои Тоҷикистону Қирғизистон муносибатҳои ҳар ду кишварро васеъ ва ошкоро муҳокима намуданд. «Фикр мекунам, ки инро метавон оғози марҳалаи гармшавии муносибатҳои дуҷониба донист», — гуфт М.Ниёзов.
Сафири Қирғизистон иброз дошт, ки байни ҳар ду давлат масоили зиёде арзи вуҷуд дорад. «Сухан на фақат дар бораи муайян кардани сарҳади давлатӣ меравад, ки ин худ аз худ басо муҳим аст. Сухан дар бораи он меравад, ки мо масоили тақсими обро аз нигоҳи стратегӣ дурусту муваффақона ҳал намоем, масоили истифодаи чарогоҳхоро оқилона ҳал кунем, то бо ин васила эҳтиёҷоти мардум, хусусан мардуми минтақаҳои сарҳадӣ осеб набинад. Ба ҳар ду ҷониб супориш дода шуда буд, ки фаъолият дар мавриди муайян кардани сарҳад ва ҳалли ҳамаи баҳсу мунозира дар бахши хоҷагии об дар муддати кӯтоҳ вусъат дода шавад. Ба фикрам имрӯз чунин умед арзи вуҷуд дошта ва ҳар ду ҷониб аллакай дар ин арса пеш мераванд, ки аз ин хеле масрурам», — гуфт дар хотима дипломат.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






