Толеи баланди Шаҳзод

Душанбе, 17.11.2014. (АМИТ «Ховар»).- Як нафар сокини деҳаи Урметани ноҳияи Айнӣ, ки солҳо дар муҳоҷирати меҳнатӣ қарор дошт, дар бозии Лото Спорт- «Пули Калон» бурди аз ҳама олиро ба маблағи 300 000 сомонӣ ба даст овард. Ин толеъбаланд Шаҳзод Шарофов аст, ки солҳо боз орзуи дар шаҳри Душанбе харидани хонаро дошт ва инак дар Душанбе  соҳиби хона хоҳад шуд. 
Тавре ки дар конфронси матбуотӣ роҳбарияти ширкати Лото Спорт арз карданд, барои таъмини бехатарии ҷоизадор ҳамаи тадбирҳо андешида шудаанд ва дар давоми даҳ соли фаъолияти Лото Спорт ин аввалин бурди калон буда, дар маҷмӯъ дар давоми 10 сол шаҳрвандони ҷумҳурӣ дар бозии Лото Спорт 114 миллион сомонӣ бурд ба даст овардаанд.