Вакилони тоҷик ба Минск рафтанд

Душанбе,10.11.2014.(АМИТ «Ховар», Марзия Саидзода).-  Ду нафар вакили Маҷлиси намояндагони Маҷлиси Олии Ҷумҳурии Тоҷикистон -Нурулло Оқилзода ва Зиёратшо Саъдулло ба Беларус рафт. Вакилони тоҷик дар конфронси байналмилалӣ, ки таҳти унвони “Равандҳои интихоботӣ дар фазои Иттиҳоди Давлатҳои Мустақил”рӯзҳои 11-12 ноябр дар Минск  доир мегардад, ширкат меварзанд.
   Аз Парлумони кишвар ба АМИТ “Ховар” иттилоъ доданд, ки дар конфронси байналмилалӣ вакилони парлумонҳо ва намояндагони комиссияҳои  марказии интихобот ва раъйпурсии ИДМ, инчунин коршиносон ва намояндагони созмонҳои байналмилалӣ иштирок намуда, масъалаҳои марбут ба низоми интихоботии ИДМ ва соири масъалаҳои марбут ба раванди интихобот дар фазои ИДМ-ро матраҳ хоҳанд кард. Конфронси мазкур бо ибтикори Шӯрои Ассамблеяи  байнипарлумонии кишварҳои аъзои ИДМ гузаронида мешавад.