Ваколатҳои ду вакили шаҳрӣ пеш аз муҳлат қатъ мешавад

         Душанбе, 13.11.2014.(АМИТ «Ховар», Марзия Саидзода).- 21 ноябри соли равон дар шаҳри Душанбе иҷлосияи бистуми Маҷлиси вакилони халқи шаҳри Душанбе даъвати чорум баргузор мегардад. Дар иртибот ба ин раиси шаҳри Душанбе Маҳмадсаид Убайдуллоев қарори марбута ба имзо расонд. 
   Интизор меравад, ки дар иҷлосия дар назди вакилони шаҳрӣ муовини аввали раиси шаҳри Душанбе Насрулло Хайруллоев доир ба омодагии сохторҳо ва соҳаҳои иҷтимоию иқтисодии пойтахт ба мавсими тирамоҳу зимистони солҳои 2014-2015 гузориш хоҳад дод. 
     Ҳамзамон дар иҷлосияи шаҳрӣ ваколати ду вакили  Маҷлиси вакилони халқи шаҳри Душанбе аз ҳавзаҳои  интихоботии рақамҳои 12 ва 29 пеш аз муҳлат қатъ гардонида мешавад. Инчунин дар иҷлосия маҷмӯи масъалаҳои марбут ба рушди ҳаёти иқтисодию иҷтимоии потйхат  матраҳ гардида, вакилони шаҳрӣ як силсила қарорҳои раиси шаҳри Душанберо тасдиқ хоҳанд кард.