Вохӯрии муовини вазири корҳои хориҷӣ бо Сафири Зеландияи Нав
Душанбе, 17.11.2014 (АМИТ «Ховар»).- 17 ноябри соли 2014 вохӯрии муовини вазири корҳои хориҷии Ҷумҳурии Тоҷикистон Низомиддин Зоҳидӣ бо Сафири Фавқулода ва Мухтори Зеландияи Нав дар Ҷумҳурии Тоҷикистон Ҳамиш Купер баргузор гардид.
Зимни суҳбат ҷонибҳо масоили тавсеаи заминаи шартномавию ҳуқуқии муносибатҳои дуҷониба ва фаъол намудани робитаҳои Тоҷикистону Зеландияи Навро дар соҳаҳои савдо, сайёҳӣ, кишоварзӣ ва тандурустӣ баррасӣ карданд.
Дар ҷараёни суҳбат ҳамчунин оид ба ҳамкориҳои ду кишвар дар чаҳорчӯбаи СММ, вазъи Афғонистон ва мусоидати минбаъда ҷиҳати эҳёи иқтисодиёти ин кишвар табодули назари судманд сурат гирифт.