Қаллобӣ ба маблағи 600 000 доллар

Душанбе, 19.12.2014.(АМИТ «Ховар», Муқаддас Темурзода).-Дирӯз дар натиҷаи гузаронидани чорабиниҳои фаврӣ-ҷустуҷӯӣ аз ҷониби кормандони Раёсати кофтукови ҷиноии Вазорати корҳои дохилӣ муайян  шуд, ки шаҳрвандон Шамсиев Алишер Абдумутолибович, соли таваллудаш 1965 ва Шамсиев Парвиз Алишерович, соли таваллудаш 1992, сокинони кӯчаи Шамсии пойтахт бо мақсади ба даст овардани даромади муфт ба мардумфиребӣ машғул будаанд.   
Тибқи иттилои ВКД ҶТ, онҳо дар давоми солҳои 2010-2013-ум бо роҳи фиреб ба боварии шаҳрванд Саймуддинов Музаффар Муҳриддинович, соли таваллудаш 1965, сокини кӯчаи Самарқанди ноҳияи .И.Сомонӣ даромада, аз ӯ 600 000 доллари амрикоиро гирифта,  ваъда додаанд, ки бар ивазаш ба номи ӯ суратҳисоб кушода медиҳанд, аммо ваъдаашонро то ҳол иҷро накардаанд. Аз рӯи ин ҳодиса парвандаи ҷиноӣ оғоз гардида, тафтиш идома дорад.