Қурби доллари амрикоӣ боз боло рафт

Душанбе, 12.12.2014. (АМИТ «Ховар», Покизаи Шодмон). — Қурби доллари амрикоӣ андаке баланд ва қурбҳои миёнаи амалиёт бо рубли русӣ ва евро каме паст шуданд.
Аз рӯи иттилои хадамоти матбуоти Бонки миллии Тоҷикистон, дар давоми ҳафта дар нуқтаҳои мубодилаи асъори ҷумҳурӣ қурби долл. ИМА андаке баланд шуда, ба ҳисоби миёна то 5,4490-5,4680 сомонӣ расид. 
     Дар ин рӯзҳо қурбҳои миёнаи амалиёт бо рубли русӣ ва евро каме паст шуда, мувофиқан 1004-1015 сомонӣ ба як рубли русӣ ва 6,5800-6,6050 сомонӣ ба як евро баробар шуданд. 
     Имрӯз, 12 декабр қурби миёнаи доллари ИМА дар нуқтаҳои мубодилаи асъори ш. Душанбе 5,4740-5,4950 сомонӣ, ш. Хуҷанд 5,4800-5,5000 сомонӣ ва ш. Қурғонтеппа ба 5,4500-5,4700 сомониро ташкил дод.