«Ҳазрати Султон Боҳу ва Мавлоно Ҷалолуддини Румӣ» — ҳамоиш
Душанбе, 17.12.2014. (АМИТ “Ховар”, Ситораи Боймурод).- Дар шаҳри Исломободи ҷумҳурии Покистон ҳамоиши илмии байналмиллӣ зери унвони «Ҳазрати Султон Боҳу ва Мавлоно Ҷалолуддини Румӣ» баргузор гардид.
Тавре ки дар ин бора хадамоти матбуоти раиси вилояти Суғд хабар додааст, дар ҳамоиши илмии байналмиллалӣ мудири кафедраи адабиёти классикии Донишгоҳи давлатии Хуҷанд ба номи академик Бобоҷон Ғафуров номзади илмҳои филологӣ, дотсент Нуралӣ Нуров иштирок намуда, дар мавзӯи «Ҳазрати Султон Боҳу шореҳи афкори ирфонии Мавлоно» сухан гуфт.
Гуфта мешавад, ки ҳамоиши илмии байналамилалӣ бо ҳузури пажӯҳишгарон ва намояндагони дипломатии кишварҳои мухталифи ҷаҳон баргузор шуда, ҳамзамон дар ҷаласаи ифтитоҳии он сафири Ҷумҳурии Тоҷикистон дар Покистон Шералӣ Ҷононов сухан кард.