Ҳидоят ба роҳи нек

Кӯлоб, 27.12.2014.( АМИТ «Ховар», Сулаймони Хол).-Дар  ҷамоати  деҳоти Зиракии шаҳри Кӯлоб бо иштироки Саидмукаррам Абдулқодирзода, раиси Шӯрои уламои Маркази исломии Тоҷикистон, муовини аввали раиси Кумитаи оид ба корҳои дини назди Ҳукумати Ҷумҳурии Тоҷикистон Ҷумъахон Ғиёсов, раиси бахши кор бо занон ва оилаи назди мақомоти иҷроияи ҳокимияти давлатии вилояти Хатлон Зоирзода Маърифат ва намояндагони мақомоти иҷроияи ҳокимияти давлатии шаҳри Кӯлоб бо аҳли ҷамоат мулоқот баргузор гардид. Дар маҷлис атрофи масъалаи гаравидани ҷавонон ба ҳаракатҳои ифротгаро, Қонуни  Ҷумҳурии Тоxикистон «Дар бораи масъулияти падару модар дар тарбияи фарзанд» ва Қонуни Ҷумҳурии Тоxикистон «Дар бораи танзими анъана ва ҷашну маросимҳо» суҳбат ороста шуд. 
Аз ҷамъомадагон даъват шуд, ки фарзандонро дар руҳияи ватандӯстиву хештаншиносӣ тарбия карда, ба арзишҳои бузурги миллӣ арҷ гузоранд, дини мубини исломро барои тарбияи маънавию ахлоқии ҷавонон истифода бурда, аз гаравидани онҳо ба гурӯҳҳои тундрав пешгирӣ намоянд.