Ҳуқуқҳои намояндагони ВАО дар давраи интихобот
Душанбе, 18.12.2014.(АМИТ «Ховар», Марзия Саидзода).- Дар асоси санадҳои қонунгузории марбут ба интихобот намояндагони васоити ахбори оммаи /ВАО/ кишвар ҳуқуқ доранд, ки дар ҷаласаҳои Комиссияи марказии интихобот ва раъйпурсии ҷумҳурӣ /КМИР/, комиссияҳои интихоботӣ оид ба интихоботи Маҷлиси Олии Ҷумҳурии Тоҷикистон, маҷлисҳои маҳаллии вакилони халқи Вилояти Мухтори Кӯҳистони Бадахшон /ВМКБ/, вилоятҳо, шаҳри Душанбе, шаҳру ноҳияҳо ва ҷамоатҳо, иштирок намуда, фаъолияти онҳоро дар саҳифаҳои матбуоти даврӣ ва дигар расонаҳои хабарӣ инъкос намоянд. Инчунин намояндагони ВАО ҳуқуқ доранд бо аҳзоби сиёсӣ, ки дар интихобот ширкат менамоянд, инчунин номзадҳо ба узвияти Маҷлиси миллӣ, номзадҳо ба вакилии Маҷлиси намояндагони Маҷлиси Олии Ҷумҳурии Тоҷикистон, маҷлисҳои маҳаллии вакилони халқи ВМКБ , вилоятҳо, шаҳри Душанбе, шаҳру ноҳияҳо ва ҷамоатҳо робита дошта бошанд. Намояндагони ВАО имкон доранд, ки дар маъракаҳои оммавии таблиғотӣ иштирок намуда, ҷараёни гузаронидани онҳоро дар матбуот инъикос намоянд. Қонунгузорӣ ҳамзамон ба намояндагони ВАО ҳуқуқ додааст, ки дар дар участкаҳои интихоботӣ, бинои овоздиҳӣ, аз ҷумла ҳангоми гузаронидани овоздиҳӣ, ҳисоби овозҳои интихобкунандагон, муқаррар намудани натиҷаҳои овоздиҳӣ ва интихобот ҳузур дошта бошанд, инчунин бо натиҷаи баррасии арзу шикоятҳо вобаста ба вайрон кардани қонунгузории интихобот шинос гарданд. Ҳамзамон ба намояндагони комиссияҳои интихоботӣ, бидуни дахолат ба кори онҳо, оид ба мушоҳидаҳои худ иттилоъ дода, баъди ба анҷом расидани овоздиҳӣ ақидаи худро ҷиҳати омодагӣ ва баргузории интихобот ошкоро баён намоянд. Намояндагони ВАО инчунин метавонанд хулосаи худро доир ба ҷараёни интихобот ва КМИР пешниҳод созанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






