Ҷараёни кишти тирамоҳии зироатҳои кишоварзӣ

Душанбе, 16.12.2014. (АМИТ «Ховар», Зарангези Латиф).-Тибқи маълумотҳои фаврии раёсати растанипарварии Вазорати кишоварзӣ тибқи дурнамо имсол дар ҷумҳурӣ дар майдони 185142 гектар кишти тирамоҳӣ  ва барвақтии зироатҳои кишоварзӣ гузаронида мешавад. Ҳафтаи равон дар ҷумҳурӣ дар майдони зиёда аз 181,5 ҳазор гектар кишти тирамоҳӣ ва барвақтии зироатҳои кишоварзӣ гузаронида шудааст, ки баробари 98,1 фоизи дурнамо буда, нисбат ба ҳамин давраи соли гузашта 25004 гектар зиёд мебошад.
Дурнамои кишти зироатҳои ғалладонагӣ 172515 гектарро ташкил медиҳад ва то 16.12.2014 дар майдони 173,6 ҳазор гектар кишт гузаронида шудааст, ки баробари 100,7 фоизи дурнамо мебошад ва нисбат ба ҳамин давраи соли гузашта 23393 гектар зиёд аст.
Тибқи дурнамо имсол дар ҷумҳурӣ дар майдони 10527 гектар кишти пиёзи тирамоҳӣ гузаронида мешавад. То 16.12.2014 дар 7239,3 гектар пиёзи тирамоҳӣ кишт шудааст, ки  баробари 68,8 фоизи дурнамо мебошад ва нисбат ба ҳамин давраи соли гузашта  1370,3 гектар зиёд аст.