Ҷоизаҳои ВКД ба варзишгарон
Хоруғ, 11.12.2014. (АМИТ «Ховар», Файз Мирасан).- Дар толорҳои варзишии шахри Хоруғ наздики се ҳафта сабқатҳо аз намудҳои мухталифи варзишӣ дар миёни кӯдакону наврасон ва ҷавонон идома дошт ва ғолибон дар ҳузури раиси вилоят Шодихон Ҷамшед ва муовини аввали вазири корҳои дохилии ҷумҳурӣ Абдураҳмон Бузмаков муайян ва бо мукофот сарфароз гардиданд.
Ин сабқат бо ибтикори вазири корҳои дохилии ҷумҳурӣ Раҳимзода Рамазон Ҳамро ва дастгирии мақомоти маҳаллии ҳокимияти давлатии вилоят се ҳафта қабл оғоз гардида, наврасону навҷавонон дар се намуд- волейболи мардонаю занона, гӯштини тарзи озод бо ҳам рақобат намуданд.
Раиси вилоят қабл аз супурдани мукофот ба мураббиён, ғолибон ва ҳамаи иштирокдорони мусобиқаро ба хотири ширкати фаъол ва ҷолибу шавқовар доир кардани он изҳори сипос карда, гуфт, ки яке аз ҳадафҳои чунин чорабиниҳо- ин оммавӣ гардонидани варзиш мебошад.
Муовини аввали вазири корҳои дохилӣ Абдураҳмон Бузмаков аз номи вазири корҳои дохилӣ ғолибонро табрик намуда, изҳори умедворӣ намуд, ки ғолибони имрӯзаи сабқат дар оянда ба қуллаҳои баланди варзишӣ мерасанд ва шарафи миллату ватани худро боз ҳам баланд мебардоранд.
Дар сабқатҳо аз намуди волейболи занона мақоми аввалро донишҷӯёни Донишгоҳи давлатии Хоруғ ишғол намуданд. Дар намуди волейболи мардона пирӯзӣ насиби тими мунтахаби ҷавонони шаҳр гардид.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






