16 рӯзи зидди зӯроварӣ нисбат ба занон

Душанбе, 11.12.2014. (АМИТ Ховар, Ситораи Боймурод).- Дар Донишгоҳи давлатии Хуҷанд ба номи академик Б. Ғафуров маҳфили навбатии «Фарҳанги оиладорӣ» баргузор гардид, ки ба мавзӯи «16 рӯзи зидди зӯроварӣ нисбат ба занон» бахшида шуд.
Дар маҳфил Муҳаррама Раҳимова, муаллимаи кафедраи психологияи умумии донишгоҳ дар мавзӯи «Зӯроварӣ дар оила ва таъсири он ба ҳолатҳои равонии шахс» ва дар бораи намудҳои зӯроварӣ, нишонаҳои он ва таъсири он ба ҷомеа маърӯза намуд.
Сипас Наргис Ҷӯраева, ҳуқуқшиноси Маркази занон «Гулрухсор» дар мавзӯи « Қонунҳои ҷории кишвар дар бораи пешгирӣ кардани зӯроварӣ дар оила» гузориш дода, роҷеъ ба ҳар банди қонунҳо ва тарзи муроҷиат намудан маълумот дод.