А. Қодирӣ: Мактаби вилоятии футбол таъсис мешавад

Декабрь 30, 2014 11:14

Душанбе, 30.12.2014 (АМИТ «Ховар», Лайло Тоирӣ).-  Мавсими имсолаи чемпионати миллии мамлакат оид ба футбол байни  дастаҳои лигаи олӣ ба анҷом расид. Дар чемпионати мазкур дастаи «Хуҷанд» — и Хуҷанд бо гирифтани 32 имтиёз мақоми чорумро ишғол кард.
Бо мақсади баррасии фаъолият, бурду бохт ва тарҳрезии нақшаҳо дар мавсими навбатӣ 29 декабр мулоқоти раиси вилояти Суғд бо ҳайати клуби футболи «Хуҷанд» баргузор гашт.
Бино ба иттилои хадамоти матбуоти раиси вилояти Суғд, Абдураҳмон Қодирӣ ва ҳамзамон раиси Федератсияи футболи вилоят бо роҳбарият ва ҳайати дастаи «Хуҷанд» — и Хуҷанд мулоқот намуд, ки ҳадафи он шиносоии наздик бо фаъолият ва бурду бохти даста дар мавсими имсолаи чемпионати мамлакат буд.
Раиси вилоят зикр дошт, ки имрӯзҳо аз ҷониби давлату Ҳукумат баҳри дастгирии намудҳои гуногуни варзиш, хосса футбол тамоми тадбирҳо андешида мешаванд. Таъкид гардид, ки барои ҳунарнамоии хуби футболбозон шароити лозимӣ фароҳам оварда шуд. Новобаста ба ин,  ҳунарнамоии футболбозони даста ва сазовор гаштан ба мақоми чорум ғайриқаноатбахш арзёбӣ гардид. Вобаста ба бартараф намудани мушкилоту муаммои ҷойдошта ва дар оянда ноил гаштан ба натиҷаҳои назарраси варзишӣ мулоқоти ошкорои роҳбари вилоят бо бозингарону мураббиён, мухлисон ва собиқадорони соҳа ба вуқӯъ пайваст.
Бо мақсади мустаҳкам намудани фаъолияти минбаъдаи даста, дар ҳайати роҳбарикунандаи он тағйироти кадрӣ ба амал оварда шуда, ба вазифаи директори даста  номзадии Рустам Марофиев пешниҳод гардид. Роҳбари вилоят таъкид дошт, ки дар давоми соли оянда бо мақсади ривоҷи футбол дар вилоят мактаби вилоятии футбол таъсис  мешавад, ки баҳри тарбияи варзишгарони бомаҳорат хизмат хоҳад кард.

Декабрь 30, 2014 11:14

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд