А. Иброҳимӣ: «Нақши Тоҷикистон дар пуштибонии Афғонистон бузург аст»
Душанбе, 5.12.2014. (АМИТ «Ховар», Мавҷуда Анварӣ).- Шоми дирӯз Сардори Давлат Эмомалӣ Раҳмон раиси Вулус Ҷирга (парлумон)-и Ҷумҳурии Исломии Афғонистон Абдуррауфи Иброҳимиро ба ҳузур пазируфт. Пас аз мулоқот Абдуррауфи Иброҳимӣ андешаҳояшро ба намояндагони васоити ахбори омма чунин баён намуд:
«Нақши Тоҷикистон, хусусан саҳми бевоситаи Сарвари Давлати тоҷикон Ҷалолатмаоб, Эмомалӣ Раҳмон дар пуштибонӣ аз манфиатҳои Афғонистон дар минтақаву ҷаҳон ва ҳам ба дӯстию ҳамсоягии ду кишвари ҳамфарҳанг хеле бузург аст. Аз номи Ҳукумати ваҳдати миллии Афғонистон арзи сипос менамоям».
Абдуррауфи Иброҳимӣ аз судмандии мулоқоташ бо Президенти Тоҷикистон ва ҳамкориҳои миёни сохторҳои ду кишвар, аз ҷумла соҳаи амният ва гардиши ғайриқонунии маводи мухаддир ва аз ҳамкории хуби сиёсӣ, амниятӣ, иқтисодӣ, тиҷоратӣ, илмӣ ва фарҳангии ду кишвар изҳори қаноат карда, гуфт, ки парлумонҳои Тоҷикистону Афғонистон ба густариши ҳамкориҳо дар ин бахшҳо тавваҷуҳи зиёд зоҳир хоҳанд кард.
Дар ниҳоят раиси Вулус Ҷиргаи Ҷумҳурии Исломии Афғонистон иброз намуд, ки сафари кунунӣ як сафари бисёр муваффақ ва босамар барои манфиати ҳарду кишвар хоҳад буд.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
