“Адабиёти халқҳои ИДМ” ба табъ расид

Душанбе, 20.12.2014. (АМИТ “Ховар”, Ситораи Боймурод).- Аз тариқи нашриёти “Нури маърифат” дар шаҳри Хуҷанд дастури таълимию методӣ таҳти унвони “Адабиёти халқҳои ИДМ” ба нашр расид.
Тавре ки дар ин бора Хадамоти матбуоти раиси вилояти Суғд хабар додааст, китоби мазкур аз тарафи профессор Неъматҷон Файзуллоев таҳия гардида, дар он таъкид шудааст, ки адабиёти халқҳои Иттиҳоди давлатҳои мустақил, ки феълан дувоздаҳ адабиёти бадеии ин ҷумҳуриҳои собиқро фаро гирифтааст, таърихи басе қадима дошта, аз бойтарин ва шукӯҳмандтарин адабиёти бадеии олам маҳсуб мегардад.
Бо ин сабаб омӯзишу таҳқиқи таърихи ғановатманди адабиёти халқҳои ИДМ  зарур буда, амалӣ гаштани он ба густариши завқу тафаккур ва вусъати доираи назару ҷаҳонбинии муҳассилин зиёда мусоидат мекунад ва дониши филологии онҳоро таҳким мебахшад.