Афзоиши ҳаҷми истеҳсоли маҳсулоти саноати коркард
Душанбе, 22.12.2014. (АМИТ «Ховар», Покизаи Шодмон).- Аз моҳи январ то моҳи ноябри соли равон дар кишвар ҳаҷми истеҳсоли маҳсулоти саноати коркард 6024 миллион сомониро ташкил дод.
Мувофиқи маълумоти Агентии омори назди Президенти ҶТ, индекси истеҳсоли маҳсулоти саноати коркард баробари 9 фоиз афзудааст.
Ҳамзамон тайи давраи гузашта дар кишвар ҳаҷми истеҳсоли маводи ғизоӣ 6,2 фоиз, равғани растанӣ 2,9 фоиз ва арақ 8 фоиз коҳиш ёфта, истеҳсоли чарму маснуоти чармин 1,1 фоиз ва пойафзол 1,2 фоиз кам гардид.
Мувофиқи маълумоти оморӣ, аз моҳи январ то моҳи ноябри соли равон истеҳсоли маҳсулоти нафт 14,3 фоиз зиёд гардида, дар ҳамин давра истеҳсоли маҳсулоти ғайрифулузотӣ ва минералӣ 2,4 баробар афзудааст.