Аксари номзадҳои ҲИИТ доктори илмҳои иқтисоданд
Душанбе, 15.12.2014. (АМИТ Ховар», Марзия Саидзода).- Ҳизби ислоҳоти иқтисодии Тоҷикистон /ҲИИТ/ дар Анҷумани 5-уми худ, ки 13 декабр дар Душанбе баргузор гардид, 6 нафарро ҳамчун номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ намуд, ки аксарияти онҳо доктори илмҳои иқтисод мебошанд.
Анҷумани мазкур таҳти раёсати раиси Ҳизби ислоҳоти иқтисодии Тоҷикистон Олимҷон Бобоев ҷараён гирифта, дар он масъалаҳои мубрами марбут ба фаъолияти ҳизб дар давраи ҳисоботӣ ва вазифаҳо барои маъракаи пешазинтихоботӣ матраҳ гардиданд.
Дар анҷуман дурнамои фаъолияти ҳизб ва фаъолияти иттиҳодияю ташкилотҳои ибтидоии он дар давраи пешазинтихоботӣ муайян шуданд. Иштирокчиёни анҷуман бо ворид намудани тағйиру иловаҳо ба Ойинномаи ҳизб ҳайати нави роҳбарӣ ва раёсати ҳизбро бо аксари овозҳо ҷонибдорӣ намуданд. Зикр шуд, ки интихоботи парлумонӣ дар Тоҷикистон ба таври шаффофу демократӣ, бо риояи талаботи Конститутсия (Сарқонун)-и кишвар ва меъёрҳои байналмилалӣ баргузор хоҳад гашт.
Бояд тазаккур дод, ҲИИТ 31 ҳазору 169 аъзо дошта, дар минтақаҳои гуногуни кишвар ташкилотҳои ибтидоии он фаъолият дорад.
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
