«АксесБонк» меъёрҳои фоизи қарзҳои хурдро паст намуд

Душанбе, 22.12.2014 (АМИТ «Ховар», Фарзонаи Давлат).- ҶСП «АксесБонк Тоҷикистон» иқдоми солинавии пастшавии меъёрҳои фоизро барои қарзҳои хурд бо доллари ИМА то 5 фоиз эълон намуд.
Тавре ки дар ин бора аз бонки мазкур хабар доданд, ин иқдом барои мизоҷоне амал мекунад, ки аз 19 декабри соли 2014 то 31 январи соли 2015 барои гирифтани қарз ба бонк муроҷиат мекунанд.
Гуфта мешавад мизоҷони «АксесБонк» имконияти гирифтани қарзҳоро дар муддати кӯтоҳ, бо фоизҳои муфид аз 25% то 31% -и солона доранд. 
Ёдрас мешавем, ки қарзҳои хурди «АксесБонк» дорои шартҳои судманд буда, талаботи калонро байни соҳибкорони Тоҷикистон пайдо намудаанд, ки барои беҳбуди онҳо мутахассисони бонк сифати хизматгузориро рӯз аз рӯз баланд менамоянд ва навъҳои хизматрасониҳои дастрасро васеъ мекунанд.