Амалиёти «Биёед, китоб мехонем!» дар қисми ҳарбии 17651

Душанбе, 06.12.2014 (АМИТ «Ховар», Фарзонаи Давлат).-Имрўз бо ташаббуси Кумитаи ҷавонон, варзиш ва сайёҳии кишвар дар доираи Амалиёти ҷумҳуриявии «Биёед, китоб мехонем!» ба китобхонаи қисми ҳарбии 17651 Вазорати мудофиаи Ҷумҳурии Тоҷикистон наздики 300 адад китоби гуногун дастрас шуд. 
Тавре ки дар ин бора аз Кумитаи ҷавонон, варзиш ва сайёҳӣ хабар доданд, зимни мулоқот бо сарбозону афсарони қисмҳои ҳарбии 17651 ва 12019 муовини якуми раиси кумита Мавсума Муинӣ онҳоро ҷиҳати аз худ кардани илму маърифат, баланд бардоштани савияи дониш ва хизмати содиқонаву фарзандона ба Ватан-Модар ҳидоят намуд. 
Ёдовар мешавем, ки ин иқдом аз тарафи кумитаи мазкур бо мақсади ҷалби наврасону ҷавонон ба хониш ва нигоҳдории китоб ва бар ин васила талқини онҳо ба хулқу атвори инсонӣ, одоби ҳамида, таҳаммулпазирӣ ва худогоҳию поктинатӣ роҳандозӣ гардидааст. 
Дар айни замон аз ҳисоби кормандоникКумита ҳудуди 17000 китоби гуногуни бадеӣ ҷамъоварӣ шуд, ки тибқи нақша он ба муассисаҳои иҷрои ҷазои ҷиноятӣ ва қисмҳои ҳарбӣ расонида мешавад.