Авбош дастгир шуд

Душанбе, 16.12.2014. (АМИТ «Ховар», Лайло Тоирӣ). — Дар боғи «Дӯстии халқҳо», воқеъ дар кӯчаи Фирдавсӣ шахси номаълум тартиботи ҷамъиятиро вайрон намуда, сокини ноҳияи Ҷиргатол Бахтиёр Шомуродов, соли таваллудаш 1986-ро лату кӯб карда, бо корди дар дасташ буда 3-4 маротиба ба бадани ӯ задааст. Дар натиҷа шаҳрванд Шомуродов Б. ҷароҳатҳои вазнини ҷисмонӣ бардошта, дар беморхона бистарӣ гаштааст.Тавре ки аз хадамоти матбуоти Вазорати корҳои дохилӣ иттилоъ доданд, зимни гузаронидани чорабиниҳои фаврӣ-ҷустуҷӯӣ аз ҷониби кормандони милитсия ҳамчун гумонбар дар авбошӣ шаҳрванд Сорбони Муқимзода, соли таваллудаш 1990, сокини деҳаи Қӯшобаи ноҳияи Ҷиргатол дастгир шуд. Нисбат ба далели мазкур парвандаи ҷиноятӣ оғоз гардида, тафтиш идома дорад.